汪阿姐Do姐邊個好相與？ 艾粒妙答世紀難題

組合艾粒的少爺占（甄子康）和當奴（唐劍康）前晚錄影汪明荃（阿姐）主持的遊戲節目《娛樂大家10點半》。艾粒過往與鄭裕玲（Do姐）合作無間，提到阿姐與Do姐誰人較容易相處，轉數快的艾粒即搞笑化解。

少爺占與當奴前晚首度上節目，二人分別掛上「圓賓」及「湯告奴」的名牌，他們搞笑說計劃稍後到海外發展，所以特地改一個國際化的名字。問他們如何「招呼」阿姐汪明荃？當奴說：「我哋一嚟到已經立即同阿姐打招呼！不過阿姐問我哋係邊個，我哋話以前同Do姐做節目，阿姐先話『哦』。」覺得阿姐與Do姐誰更好相與？他們鬼馬說：「佢哋係一對嘅！兩位都好好，好照顧後輩，我哋好尊敬前輩嘅。」

煲唔完《愛的迫降》

另外，問「圓賓」少爺占可有追看韓劇《愛的迫降》？他笑說：「我煲咗60日都未煲完，我覺得啱女仔多啲，反而《李屍朝鮮2》兩日睇晒！」艾粒更笑指商台DJ同事朱薰不但迷上《愛的迫降》，更親自製作男主角玄彬的WhatsApp貼圖，吸引FB近萬人留言要求分享，少爺占講笑說：「如果每套貼圖賣一百蚊，就會變成一百萬嘅大生意，不過因為版權問題就做唔到。」當奴聞言笑說：「我勸你唔好喺度（無綫）提其他台嘅劇嘞。」

採訪︰Pauline

攝影︰林良明

編輯：李潔盈

美術：梁政敏