拍爭執戲激動揮拳 馬明爆粗狂鬧吳岱融

馬國明、吳岱融及商天娥昨日在將軍澳電視城拍攝新劇《BB大晒》，劇中飾演父子的吳岱融與馬明拍攝一場爭執戲，七情上面的馬明不但激動爆粗，更想揮拳打「老竇」，相當入戲。

馬國明在新劇飾演一名粗人，與父親吳岱融關係惡劣，昨日二人拍攝一場醫院外相遇戲份，馬明一見吳岱融即當街爆粗，又大聲責罵：「你仲有面嚟？」然後更向對方揮拳；而吳岱融演得激動時更自摑，非常投入。事後馬明、吳岱融及商天娥接受訪問，吳岱融笑說：「馬明牛高馬大，畀佢質一拳都幾係嘢！」馬明聞言講笑說：「無事，頂多瞓幾日。」

吳岱融笑言很開心跟馬明合作，原來二人私下是「波友」，經常一起踢波：「平時踢波我踢後防，佢（馬明）踢前鋒。佢踢波好認真，會提示大家，但唔會爆粗，好有禮貌，全行都知馬國明係好人。」

商天娥回味母子床戲

至於商天娥（娥姐）則飾演馬明媽媽，她笑言日前「兩母子」拍攝床戲，令她相當回味：「場戲講我哋兩母子先拖住手，然後我再去攬佢，無諗過我相隔六年返嚟（無綫），拍第一場戲就係咁樣。」問他們拍床戲時可有心跳加速？馬明搞笑說：「我有呀，床戲當然會卜卜跳。」娥姐則淡定說：「想當年我喺化粧間都好多人撩，邊有咁容易（心跳）。」飾演娥姐老公的吳岱融聞言即表示「呷醋」，娥姐笑指向編審提議加插夫妻床戲，吳岱融說：「我同妳就唔係拖手仔，要錫嘴仔，不過依家有疫情，都係唔好喇！」

採訪︰Pauline

編輯：李潔盈

美術：梁政敏