黃浩然提議靚湯穿三點式慶功

湯洛雯（靚湯）、黃浩然、陳煒及譚俊彥前晚亮相《流行經典50年》，靚湯看來清減了，她表示沒有刻意睇磅數，反而着重整個人的綫條。對於《法證先鋒IV》收視好，黃浩然更抵死表示靚湯應該穿三點式慶功。

新劇《法證先鋒IV》星期一首播，首集收視最高達33點，黃浩然與湯洛雯對收視感到滿意，不過靚湯表示前晚第二集才登場，自嘲出場一刻十足一隻暴龍，擔心會影響收視。浩然表示︰「收視咁好，證明係小青姐（監製梅小青）嘅魅力，現時市民減少外出，希望有更多觀眾留喺屋企睇電視，放輕鬆啦。」

日後如果達40點收視如何慶祝？黃浩然即要求靚湯穿三點式示人。靚湯笑言︰「40點當然穿『40點式』，全身遮住，不如叫小青姐着三點式啦！」以往拍劇常有NG的靚湯，雖然今次也有NG，但獲浩然大讚她愈來愈有進步，更封她做「一take湯」！

譚俊彥緊張到失眠

譚俊彥和陳煒合唱梅艷芳的經典金曲《心仍是冷》，歌曲由煒哥揀選，雖然她習慣唱低音，但直言仍有難度。譚俊彥自爆首播當晚緊張到失眠，凌晨四時仍在網上看觀眾留言，當中有讚亦有彈。他又憶述首集與黃浩然的MMA對打戲，拍足20小時，不單底褲盡濕，更在年卅晚拍完累得睡到年初三，自認年紀大機器壞！至於煒哥自爆醫生男友一向是《法證》系列忠粉，睇完已讚她的演出夠型。

採訪︰Pauline

攝影︰林良明

編輯：陳禮恒

美術：梁政敏