曾與阿Sa男友拍拖 連詩雅否認拜金

連詩雅（Shiga）早前到商台接受《1圈圈星光背後》訪問，入行十年的她，曾因唱片公司合約糾紛，令音樂事業一度叫停，直至18年底轉投星夢娛樂才重新派歌上台。Shiga坦言對音樂事業「真空期」確有不快，「想做嘅事做唔到，試過唔知點算，也有諗過到底係咪適合做呢行。」

此外，連詩雅出道十年戀事多，當年她憑《喜愛夜蒲》走紅後，立即被爆十多歲時跟舊愛的親暱照。之後因為曾跟阿Sa（蔡卓妍）現任男友「百億麻將館太子爺」石恆聰相戀，一度被扣上「拜金港女」的帽子。當她跟石恆聰分手後，又被指翻撻音樂才子徐浩。Shiga否認拜金，並稱︰「因為機緣，我有啲拍過拖嘅人或者家中好有錢，但我從來係人品先行，跟錢財無關！（欣賞徐浩才華？）每個人都有唔同嘅才華，我欣賞佢嘅人品，對人、對家人、對身邊人都好好。」更大讚徐浩外表Cool但內裏感性。