籲親友電話送祝福 黃祥興榮升第三任爸爸

已育有一子一女的黃祥興，昨日大年初六傳來喜訊，表示太太順利誕下三公子，鑑於武漢肺炎爆發，他呼籲親友電話祝福便可，不用到醫院頻撲。

黃祥興與太太Peggy結婚七年，已湊成一個「好」字，現再添一子，組成五口之家，可喜可賀！今次Peggy是剖腹生產，祥興也有陪伴進入產房及剪臍帶，他興奮表示︰「BB重六磅多，母子都好健康，今次入產房同第一、二次感覺好唔同，頭兩次覺得媽媽係主角，好關心媽媽嘅狀態，今次可能年紀大咗，好期待第三個BB，當然都無忽略媽媽，但同時會好關心BB幾點出世、怎樣出世，又會留意醫生點開刀，到醫生話BB出咗世，我就幫手剪臍帶，整個過程都好順利，覺得生命很重要，我哋做父母會畀最好嘅嘢小朋友，希望小朋友快高長大。」

退股法國餐廳

另外，祥興趁新年跟大家拜年，祝大家身體健康、心想事成！有鑑近日武漢肺炎疫情仍未紓緩，他提醒大家注意個人衞生，他在探望太太和抱BB前都做足預防措施，入屋前亦會消毒，而今天他去醫院照顧太太，小朋友則留在家以策安全。祥興說︰「最近都收到好多朋友祝福同問候，大家電話祝賀便可，唔使專程嚟醫院。」此外，祥興為了投放更多時間照顧家人及幕前工作，決定退出法國餐廳，希望鼠年有一個新開始！

撰文︰Pauline

編輯：黃卉彤

美術：梁政敏