北海道避年 葉佩雯發燒自我隔離 郭偉亮︰呢度口罩被掃晒

葉佩雯（Grace）近日孖丈夫郭偉亮（Eric Kwok）及多位圈中好友到日本北海道滑雪避年，前日Grace卻在IG自爆發燒，昨午Eric Kwok接受本報訪問時指太太僅患感冒兼且已好轉，他們會改機票延後回港，更大爆當地陷「口罩荒」，不少粉絲叮囑Grace好好休息，養足精神再定歸期！

郭偉亮夫婦與圈中好友謝霆鋒、徐濠縈、劉浩龍及KB（李健宏）等，到北海道滑雪勝地二世古迎鼠年，更盡情滑雪玩樂，眾人連日來在IG上載照片分享滑雪「英姿」，玩得不亦樂乎，其中Grace笑言快樂到像小孩般躺在雪地上玩雪，自嘲玩到癲咗。

然而，前日Grace卻在IG發布限時動態，原來她發燒至37.5度，其後全程留在酒店房間作自我隔離及食藥，可謂保護自己又保護他人。Grace僅能歎老公的外賣醫肚及睇酒店外的雪景解悶，她除了掛念家中愛犬，又透露改機票取消昨日回港，並決定待痊癒後才上機回家。

指當地流感患者多

昨午，Eric Kwok接受本報訪問，他透露二世古有不少患流行性感冒的病人，太太亦是其中之一。他並說︰「原本打算今日（昨日）走，佢（Grace）之前滑咗好多雪好開心！不過呢度賣口罩嘅地方都畀人掃晒，所以都幾誇張！」Eric Kwok強調兩星期前已購買了不少口罩，因此太太一定會戴口罩，亦預計幾日後才會返港。Eric Kwok又指太太在當地看了醫生，他說︰「佢（醫生）話係感冒，無乜嘢，差唔多好番！」

至於網友亦叮囑Grace記得準時食藥；有粉絲亦祝福偶像早日康復。

撰文︰Steven、Pat

編輯︰黃寶恩

美術︰梁政敏