入行後人氣急升 姜濤：突然多咗好多親戚

男團MIRROR成員姜濤及盧瀚霆（Anson Lo）昨日到銅鑼灣出席新春活動，人氣王姜濤表示新年會預備四位數字利市孝順父母，又自爆入行成名後，忽然多了親戚聯絡姜家，有些更素未謀面，相當搞笑。

姜濤與盧瀚霆昨日談到過年習俗時，Anson Lo自言每年的年初一都要跪着跟父母拜年，還要至少講十句恭賀說話：「爸爸要龍馬精神，媽咪要青春常駐，不過利市反而一年少過一年。」他表示踏足社會賺錢後，父母便不再給他零用，他亦要給父母利市，問他打算封多少？他口快快表示封三位數字，姜濤聞言即說：「嘩，你仲孤寒過我！」

姜濤笑言自己是隊中最孤寒的成員，但今年也會首次封利市給父母，預算封四位數：「爸爸以前要周圍搵錢，好少時間跟我同媽咪過年，今年我開始賺錢，爸爸可以輕鬆啲，仲可以留港過年。」問二人會否封利市給經理人花姐（黃慧君）？他們笑說：「花姐講心唔講金，請食飯就得！」

提到二人拜年時會否被親戚集郵？姜濤即笑說：「入行之後發覺多咗親戚，媽咪都多咗朋友，見佢成日要覆好多信息，有啲親戚一次都未見過。」至於Anson Lo則笑指當髮型師的爸爸已準備了一堆Anson簽名靚相派給親友。

另外，Anson Lo透露將於下月底推出首支個人單曲，由於是快歌，他預告會來勢洶洶。問他會否騷肌？他笑說：「樣樣都有。」姜濤四月將到台灣拍偶像劇，稍後亦會推出新歌。

採訪︰Pauline

攝影︰林良明

編輯：李潔盈

美術：李明