封視帝繼續天然呆 馬國明：阿媽對我無寄望

馬國明提名視帝足足12次，前晚終於憑劇集《白色強人》首度封帝。不過馬明得獎時，依然保持其招牌「天然呆」，相當搞笑。他解釋強敵當前，自己真的沒想過得獎，更指媽媽緊張六合彩多過自己封帝。

馬國明前晚榮登視帝寶座，他在後台受訪時笑說：「（天然呆）因為無諗過攞獎，今年對手強，有黑哥（姜皓文），仲有陳山聰同袁偉豪，真係好平均。之前反而寄望《白色強人》攞最佳劇集。正如我所講，連我阿媽都對我無寄望，反而緊張另一邊（六合彩），但相信我拎到佢會好開心。」會不會戒掉天然呆？他說：「都係少少啫，唔係好呆。」

馬明得獎時獲全場站立拍掌歡呼，他說：「就算無獎我都當自己贏咗，因為實在太多人愛惜自己。（等足12次才得視帝會否太耐？）聽到丹爺（劉丹）攞獎等咗52年，我真係小巫見大巫。其實我有機會攞視帝，係由《On Call 36小時》開始，都係等咗六、七年，可能做醫生特別旺我，我唔算等好耐，只係特別幸運。」

開香檳「吹喇叭」慶祝

馬明前晚獲數十位粉絲在電視城門外慶祝，有粉絲為他加冕「王冠」，他亦即場開香檳「吹喇叭」慶祝，心情相當興奮。另外，馬明的「鐵馬家族」好友唐詩詠、黃嘉樂及林子善亦非常開心，唐詩詠po四人合照祝賀，林子善更笑言要馬明請大家去旅行慶祝。

採訪︰Pauline

攝影：林良明

編輯：李潔盈

美術：陳超雄