麥潔文預告性感開騷 江華激讚︰老婆大把本錢

麥潔文（Kitman）將於10月16日假麥花臣場館舉行《月黑風高旺角夜》演唱會，昨日她在尖沙咀舉行記者會，老公江華現身撑場，夫婦更即場合巹交杯兼雙擁共舞。江華表示屆時為太太個唱做嘉賓，又笑言絕不會搶太太風頭。

麥潔文為今次演唱會積極減肥，目前已減掉五磅，希望開騷前多減一、兩磅，以情侶裝打扮現身的江華聞言即心痛說︰「老婆已經好瘦，再瘦我會心痛。依家攬住佢都仲可以，再瘦就應有嘅都無埋喇！」問江華准不准太太穿性感歌衫？他笑說︰「無問題，太太有本錢着得起，性感唔一定暴露，今次係我幫佢搵服裝贊助，啲衫全部都可以過目，我哋結婚20幾年，佢有咩地方我無睇過！」Kitman亦預告屆時歌衫上身會較少布。

笑老公攻心計

Kitman透露老公和女兒陳薔天都會任個唱嘉賓，現時暫定與老公合唱一首歌，相信老公不會做「咪霸」，江華即笑說︰「我唔會喧賓奪主，一定要經主角批准，我有四個角色，就係司機、助手、老公同嘉賓。」Kitman踢爆老公說︰「佢好攻心計，依家日日練歌！」

採訪︰Pauline

編輯︰李潔盈

美術︰梁政敏

攝影︰林良明