AI家庭服務機器人 登陸中環夏誌

黛安成日都想有個機器人幫手打理屋企，聽公關姊妹講，由智慧城市聯盟聯合主辦嘅《智慧城市遊樂園＠中環夏誌》，即日起至下星期一（19號）會喺中環海濱活動空間展出機器人temi，黛安都好期待去睇下。

聽講temi係以色列公司生產嘅首款家庭服務機器人，以人工智能科技，為用戶提供可移動、互動交流、聊天及遊戲新型平台。佢唔單止可識別用戶容貌，仲可以隨用戶嘅動作，自動調整熒幕傾斜角度。佢仲可以提供天氣預報、音樂播放及拍照、錄像等，夠晒多用途。

而今次中環夏誌個活動，仲會展示機電工程署旗下創新科技協作平台E&M InnoPortal其他新科技，例如VR（虛擬實境）低壓制櫃、VR升降機保養等等。活動由即日起至9月1號，喺中環海濱活動空間舉行，想了解多啲活動詳情，可以到中環夏誌fb專頁睇下。