ERROR喪食辣 食到入院

男子組合ERROR昨日聯同監製花姐（黃慧君）在荃灣出席ViuTV新節目《花姐ERROR遊2》記者會，成員肥仔（梁業）、阿Dee（何啟華）、吳保錡及193（郭嘉駿）大爆節目比上一輯玩得更癲，食得更喪。阿Dee在台灣更因食辣麵而食到入院︰「去到醫院，被醫護人員鬧我做咩唔愛惜自己生命。同埋我明明好急想去廁所都唔敢去，因為feel到『好滾』。」四人食辣回港後，立即檢查身體，誰知發現阿Dee的腸內竟然殘留消化不到的蠍子殼，相當恐怖。

ERROR又笑言花姐拍節目時崩潰爆喊，花姐則笑說︰「我明明係至高無上嘅監製，點解要咁委屈自己，訓練咗一班變態嘅製作組，去虐待番我哋。」另外，ERROR將在十月於麥花臣場館開Talk騷，花姐坦言擔心四子度蹺出問題︰「因為佢哋同我講嘅係一套，到時做嘅就另一套。」193就表示會貫徹組合的搞笑形象，不會過火，務求觀眾睇得開心。

採訪︰李潔盈

攝影︰林良明