港媽帶B仔買學生餐被拒發火 怒喝職員：唔係學生係咩？

不少食肆都設有學生餐，為穿著校服或能出示學生證的學童提供優惠，當中亦難免會受人濫用，有食肆職員分享指經常遇到麻煩食客拗優惠，曾有港媽帶初生男嬰光顧，要求為嬰兒買學生餐，亦有港爸不滿女兒因無著校服無法買學生餐，在店內大發雷霆，幸獲食客路見不平出口相助，才不致令事件鬧大。

個案一 港媽帶男嬰買學生餐

一位自稱是連鎖食店職員的事主，向Facebook群組「西客之道 Hispitality Secret」投稿，指公司有提供優惠學生餐，但規定客人須身穿校服或出示學生證／手冊方可購買，惟先後兩次遇上奇怪客人，分別試圖索取優惠不果而大鬧食店。事主憶述，有一次一位港媽推著嬰兒車前來光顧，並要求買一個學生餐，當被職員問及「學生」何在，該媽媽便激動回應：

「有無搞錯啊，咁大個小朋友都睇唔到？」

原來港媽指嬰兒車上的仍未懂走路的年幼男嬰便是「學生」，當事主向她解釋公司規矩時，她隨即火冒三丈稱：「我小朋友咁細個，唔係學生係咩？佢唔通返工咩？」

事主經多番說理無果，最後只好請出經理解圍，經理亦指學生餐是為學生而設，「就算真係賣個牛肉飯畀你個小朋友，佢都食唔到啦」，建議港媽考慮跟嬰兒分享一個主套餐，最終港媽只好黑著面「敗走」。

個案二 躁爸為買學生餐爆粗

事主亦分享另一個案，指曾遇到一對父女客人，女生疑因參加課外活動故未穿校服，亦無帶學生證或手冊，意即不符合該餐廳購買學生餐資格，父親知悉後勃然大怒，即場以粗口問候事主，又稱：

「我小朋友咁細唔係學生係咩？！規矩係死嘅人係生嘅！」

聲線之大與用詞之粗鄙，令其他食客為之側目，事主形容，當時女生似乎被父親的態度嚇倒開始放聲大哭，又稱：「爸爸，我唔想食啦，我地返屋企啦」，然而父親態度卻依然故我，終於令旁邊排隊的食客不滿，出言勸止。

食客：你積下口徳得唔得啊，句句粗口教壞哂小朋友。
港爸：我點教女關你乜X嘢事呀？
食客：你教壞你個小朋友都算，你教壞埋在場所有包括我個小朋友，點解唔關我事？人地都講到明要校服或者手冊先買得，好心你唔好咁難睇，仲要嚇到自己個女喊成咁，你個女好慘啊。

在群眾壓力之下該港爸終於收口，不甘心地回到隊尾重新排隊，以正價買下2個主套餐享用。

遷怒前線員工於事無補 網民力挺食客爸爸有正氣

事主於文末坦言，自己身為基層員工，有需要服從公司各種規矩，即使食客對規定有所不滿，但向前線員工發洩只會徒添混亂、於事無補。他又打趣指，如果他們沒有學生證又堅持想享受學生優惠價，大可以選擇穿校服前來光顧，「婆婆著住校裙既，賣個學生餐比佢又有咩所謂。」

大部分留言網民均對事主遭遇表同情，慨歎「貪小便宜嘅人真係無處不在」，有人對「規矩係死嘅人係生嘅」說法表示反感，指出：「如果係呢個世界唔駛要規則啦」。針對第一個案例，有網民指並非年紀小就等同學生，尚未學懂走路的嬰兒明顯未達入學年齡，不提供予學生餐合情合理。第二個案例中為事主解圍的食客則獲得最多掌聲，「教壞在場所有小朋友」一說獲多位網民力讚「好爸爸」。