呂慧儀避談前夫拖新歡

呂慧儀老公黃文迪日前被拍得在巴士上與一名女子狀甚親暱，其後呂慧儀即在社交平台宣布與黃文迪已於去年離婚，但強調不涉第三者。不過曾與黃文迪傳過緋聞的傅嘉莉，前日撰長文狂寸呂慧儀和黃文迪當年貼「黑指甲油」相片借她做新聞，但傅嘉莉此舉就被大批網民反轟她抽水博見報。

事件經過一夜發酵，呂慧儀昨日現身將軍澳電視城為處境劇《愛‧回家之開心速遞》開工，一臉疲憊的她，看見大批傳媒守候亦大方拍照。問她心情如何？她說︰「正常返工囉，我唔回應其他嘢喇，多謝大家關心，我都係如常生活，屋企嘅嘢我唔會再回應，唔使再問我。」被問到黃文迪有新歡、何時離婚、以及傅嘉莉炮轟造新聞等問題，呂慧儀均表示不回應，育有四歲兒子Anton的她只表示︰「我會專心做好我嘅工作，同埋湊好我個小朋友就得。」隨即匆匆埋位。