麥浚龍否認女友逼婚

麥浚龍（Juno）與舞台劇演員韋羅莎合作新歌《黑盒》，兩人昨午聯同監製王雙駿與作曲人Coey Young到商台宣傳。Juno只談新歌，對感情事卻輕輕帶過。

Juno與中英混血模特兒戴庚玲（Janine）拍拖多年，甚少把戀情掛在口邊。早前有傳Janine忽然高調Po相放閃，似是向Juno逼婚，Juno聞言即笑謂︰「傳啫，即係假啦。無諗過（結婚），宣傳新歌嘅打算就有。（可會貼婚紗照宣布婚訊？）我着呀？」身旁的王雙駿笑稱不想看。

提到新歌《黑盒》，Juno說是去年《the album》的下半部分︰「搵咗韋羅莎，佢喺戲入面同歌入面嘅角色好唔同。」其實韋羅莎的角色早於謝安琪《沐春風》的MV中出現，問她是否Juno飾演的董折與謝安琪飾演的浦銘心之間的第三者？她回應︰「技術上，佢哋已經分開咗，所以我似偷窺者多啲。」韋羅莎坦言第一次入錄音室一定有壓力，幸好自小就喜歡唱歌，沖涼房就是她的表演舞台。

採訪︰Pauline

編輯：陳禮恒

美術：顏玉玲