愷威婚變 吳家樂：少提呢啲

吳家樂和方健儀昨日出席《區區開年飯》活動，家樂表示農曆年期間吃了不少年糕，現時開始健身和跑步。大年初二，吳家樂與好友劉愷威、古巨基和傅明憲相約食開年飯，家樂表示他們每年都會定期聚舊，與愷威更是同期訓練班出身，所以常有聯繫。

談及愷威與楊冪去年宣布離婚一事，家樂表示︰「我哋朋友好少提呢啲，就算我同基仔識咗咁耐，我都無問過佢同Lorraine關係，直至佢哋結婚先知，因為我本身不問世事，加上有小朋友嘅家庭已經好忙，有時間都為小朋友擔心啦。（同愷威傾湊仔經？）都有傾讀書嘅嘢，但有個問題出現，教育制度不斷轉，每隔兩、三年都已經唔同，我真係out咗。」