神耆小子丨冼靖峰小背心忘形曬腩露體毛 妙音龍子偶包失蹤 粉絲：蝕底晒喇

男團LOONG9成員冼靖峰有份擔正無綫新劇《神耆小子》，在劇中飾演蕭正楠兒子的他戲份甚多，更與兩屆金像影帝鄭則士（Kent哥）大演對手戲。預告片中，冼靖峰不顧「妙音龍子」形象豁出去，竟然忘形凸腩露體毛，完全不擔心脫粉！

同場加映：逆天奇案2｜梁小冰感激老公陳嘉輝寵愛31年 歷父親弟弟離世看透人生：多愛自己

{{hket:ul-video id="10547"}}{{/hket:ul-video}}

LOONG9簽名會日前因「不可抗力」原因取消，不過成員冼靖峰的曝光率越來越高，其新劇《神耆小子》將於下周一（6日）首播。演戲經驗甚少的他獲安排為主角之一，更有不少跟鄭則士合作的場口，擺明備受力捧。

{{hket:inline-image name="10.png"}}{{/hket:inline-image}}

在官方最新預告片中，冼靖峰穿上疑似縮水的超窄短身小背心，不但近鏡露出小肚腩，原來他的肚臍下方更有不少體毛！冼靖峰在「老竇」蕭正楠面前曬腩，反而蕭正楠一邊奸笑，一邊扯阿仔件衫；冼靖峰交叉手保護自己，結果仍被對方扯破小背心，二人都忍不住笑。如非得知二人劇中關係為父子，齋睇畫面「男上加男」、「男捨男難」，感覺曖昧。不少冼靖峰粉絲表示好期待：「Archie你個偶包呢？」、「今次蝕底晒喇」、「最sexy演出」、「D毛好正」等等。冼靖峰亦轉發片段留言：「不得不說，這幕差不多全是我們倆的improvisation（即興創作），但真的很好玩。＠edwinsiu（蕭正楠），謝謝您。」

{{hket:inline-image name="5.jpeg"}}{{/hket:inline-image}}

{{hket:inline-image name="11.png"}}{{/hket:inline-image}}

{{hket:inline-image name="1.jpeg"}}{{/hket:inline-image}}

另外，他受訪時笑言全靠Kent哥指點，首先是教講對白加揣摩角色，然後是近乎24小時貼身指導及慰問，又樂於與後輩分享人生經驗：「由Day 1去到最尾嗰日，Kent哥都係教緊我嘢，佢知我演戲經驗好少，佢唔單止教我講對白，仲教我點分析角色同揣摩角色對於故仔嘅功能。同Kent哥拍完每場戲，喺休息時間佢都會講解番場戲點解要咁做；每日拍完一齊食飯，佢又會講番我聽佢嘅相關經驗、同我點樣可以去更好咁裝備自己…拍完套劇我就去咗拍《亞洲超星團》，Kent哥差唔多每兩、三日就同我講加油，問我咩狀況、有冇咩困難？呢啲前輩邊度搵？」與鄭則士份外投緣的冼靖峰，坦言對方與自己已過身的爺爺很相像：「都係佻皮得嚟又有威嚴，所以對住Kent哥，我係愈嚟愈唔怕佢，一開始都驚佢㗎。」

{{hket:inline-image name="23.JPG"}}{{/hket:inline-image}}

圖片來源：IG、大會提供