走塑再起風波！惹火言論被批評 環保人士：用飲管嘅係傷殘人士

近年本港環保意識提高，餐廳陸續響應「走塑」熱潮，推出不主動提供膠飲管等措施；這本是美事一則，但社會上卻因各種質疑而對此意見兩極。有網民近日就「走飲管」一事發表意見，指「必需要用飲管嘅人係傷殘人士」，因而惹來大批網民批評。

日前有網民在Facebook群組「搞走塑」，發表一篇討論香港人均垃圾量的貼文。在該則貼文下，有女網民留言指：「其實呢⋯⋯小妹覺得認為必需要用飲管嘅人係傷殘人士，就如輪椅咁，好人好姐點會次次外出都要用到輪椅？就係因為佢地有需要嘛，咁佢地傷殘我地咪就下佢囉，我地都唔止對地球nice，對任何人都好nice架，除咗刻意針對人嘅人^^ 利申：有用可重用飲管，只係通常就咁用口飲」。

有網民將該則留言轉發至「連登」討論區，旋即引起爭論。不少網民批評該名女網民偏激，「佢個logic即係用筷子刀叉都傷殘，用手最環保」、「扭曲環保嘅原意」、「環保呢啲係個人選擇」、「自己嗰套逼人地跟」。同時，不少人又認為她不尊重殘疾人士，「殘疾歧視」、「講到自己好大愛，最後竟然歧視傷殘人士」。

另有網民認為，雖然涉事女網民以「輪椅」、「傷殘人士」來比喻是不妥，但「走飲管」並非壞事，「就算全香港一齊做，對地球影響好微，係咪就代表依件（事）係錯？ 可能影響埋其他國家？邊個知。」此外，由於有網民將涉事女網民「起底」，並說出嘲笑對方肥胖等說話，故有網民留言斥責實在不該，「反環保反到開始人身攻擊！」