Amanda S.改中文名龍玥心

名模Amanda S.昨日出席觀塘apm舉行的活動，已一段時間沒有出席公開活動的她表示，早前回到法國度假，還去了台灣陪伴媽咪。她說去年爸爸過身後，想多點時間留在媽咪身邊，她說︰「依家有任何事都會搵媽咪，好似BB咁，最重要係媽咪喺身邊。」

Amanda又透露終於改了中文名，是媽咪幫她改的，叫龍玥心，亦得到師傅批算過，她覺得「龍」是代表中國人，有龍的傳人意思，加上覺得個名好靚，她改了中文名後心情亦開朗了，返港後亦接了很多工作，覺得各方面都很順利。提到男友，Amanda稱因經常留在台灣陪媽咪，所以跟男友的見面時間少了，但未至於分手，她表示︰「好享受目前嘅生活，我又唔係未結過婚，準備生BB先會考慮，做女朋友好多嘢唔需要擔心，自由啲、輕鬆啲。」