開騷戒口 周柏豪聞下都開心

周柏豪昨日到中環出席慈善活動，最近忙於做巡迴演唱會的柏豪，為了保持體型，近年不但吃得清淡，更要辛苦戒口，他自爆︰「老婆發現我發夢都喺度食緊嘢！」

周柏豪近年忙個不可開交，近日除了忙於在內地拍劇外，亦要舉行巡迴演唱會，他昨日更透露已一個月沒有在港露面，今次返港是為了準備珠海的巡唱，他說︰「依家每兩個月就有一次騷肌機會，所以要keep住做運動，其實做運動同無得瞓都唔辛苦，最辛苦係戒口，食嘢要好清淡，見其他人食好嘢，自己惟有聞下，聞下都已經好開心。」

柏豪又指，上次開完騷後吃了半個漢堡包，怎料胃痛兼肚屙，他表示︰「平時太清淡，一食油膩嘢就唔舒服。」問到注意健康是否為做爸爸做好準備？柏豪直言︰「希望有呢一日，依家玩住其他人啲BB先。（爭取時間造人？）我有時間會做好自己同做好人。」

撰文︰倪小珊

編輯︰黃寶恩

設計︰梁政敏