萬事應商量

約了多娜去「鼎爺私房菜」晚飯，車上講起時事，多娜變得很激動︰「唔知香港點解變成咁？乜都政治化！唔夠地咪填海囉，填1,000公頃定係1,700公頃都係要填啦！而家啲人住喺屯門、沙田、將軍澳，都係填海填出嚟㗎啦！嘈乜啫！」

多娜愈講愈發火，便急忙安慰她︰「唔好講咁多啦！睇下鼎爺有乜嘢好食先！」

認識李家鼎40年，那時他在ＴＶＢ是龍虎武師，又做武術指導，每次在他的私房菜見到他，他都跟伙計說我是第一個幫他轉型做喜劇的人。

他指的是一套半小時的處境喜劇《唔駛問阿貴》，由他和鄭少秋、汪明荃主演，每集都是這三個主角，但所演的角色每集都不同，好多機會讓演員發揮演技。

這晚的菜式十分豐富，鼎爺興起，即席做了一個蝦炒蛋，他炒蛋的秘訣就是「要快」！不能慢慢炒！由下鑊到上碟只花45秒！蛋嫩蝦甜，認真可口！

這晚最令人驚喜的就是陳皮鴨腿湯飯。30年的陳皮，香氣濃郁，鴨腿嫩滑，配上高湯，非常好味，想起來也饞涎。

食完好嘢，多娜總算下了啖氣，說道︰「萬事應商量，唔好得個鬧字，先填1,000公頃，之後再填700都無問題啫！」

（本欄逢周三刊登）