經歷生死邊緣 余德丞蔡思貝感情升溫

無綫新晉男神余德丞（Dickson）上個月初踢波期間暈倒昏迷，之後在ICU留醫近一個月才出院。昨日Dickson復工，與緋聞女友蔡思貝出席商場活動，二人直認感情升溫。

Dickson與思貝穿上黃黑色「情侶裝」現身，期間二人甚有默契，更不停「打情罵俏」，思貝父母也有到場，當Dickson跪地向思貝獻花之際，思貝媽媽更拍手，事後記者拉攏「一家四口」合照，蔡父還輕拍Dickson肩膊送上祝福。

Dickson表示目前身體狀況良好，思貝讚他更靚仔。他憶述事發經過︰「當時踢踢下波，有啲眼瞓，就出咗場邊休息，瞓咗覺之後就咁，主要原因係心律不正。」他表示當時已沒有太多印象，只是從媽媽口中得知昏迷了三、四日，能夠短時間內甦醒，不少人都認為是奇迹，他感激留院期間得到大家的支持和打氣，思貝當時更是第一時趕到醫院。

更珍惜對方

問到二人是否患難見真情，思貝說︰「我對佢的確係溫柔咗，以前對佢似兄弟吵吵鬧鬧，頭先佢跪低我都叫佢唔好跪咁耐，感情都升溫咗。當時聽到佢入醫院我都好震驚，即刻去醫院，原來我都好珍惜呢個好朋友。」Dickson立刻跟思貝說︰「真係唔好意思，辛苦晒。」

採訪︰Pauline

攝影︰林良明

編輯︰黃卉彤

美術︰招潤洪