日本灰色貴婦狗「小芝麻」，近日憑住可愛嘅海豹造型喺網上走紅。任職寵物美容師嘅女主人濱千代頼子，近日接受當地電視台節目採訪時透露，原來將小芝麻嘅毛剪成圓球造型並非單純為咗可愛，而係為咗遮住小芝麻嘅身體缺陷！
天生有缺陷
小芝麻同主人濱千代頼子，住喺日本中部三重縣。原來，小芝麻出世時就有明顯脊椎側彎，濱千代將佢剪成一般常見嘅貴賓狗造型，卻引來路人奇異目光，常常對住小芝麻指指點點。為咗令愛犬唔再俾人嘲笑，濱千代於是就為愛犬留長毛髮，再剪成圓圓嘅可愛造型嚟遮掩，令人睇唔出小芝麻脊椎側彎。
毛髮夾食物碎屑
不過，呢個圓碌碌嘅造型雖然可愛，亦都帶嚟新嘅問題！而呢個問題，就係小芝麻因為毛髮非常濃密，所以零食成日都會夾住喺入面；每當佢行路時，食物碎屑更會掉到一地都係！
圖片來源：yorikokoro@IG