張曦雯郭晉安合演激情戲

郭晉安與張曦雯昨日出席開鏡，提到安仔在新劇《白色強人》中周旋在唐詩詠及張曦雯之間，同劇的馬國明更笑指安仔與張曦雯有不少激情場面，安仔聞言笑說：「無呀，Cut晒，其實啲感情戲係唔露骨、好理性嘅，可能馬明妒忌我先咁講，哈哈！」拍攝手術室戲時可會怕血？他笑說︰「唔驚，嘔都嘔咗幾桶啦。反而今次對白好多，要喺屋企先背熟，因怕連累大家收唔到工。」