寶珮如獲老公支持追夢

寶珮如（Baby）昨日接受商台訪問，十多年前曾因車禍毁容的她，直到近年才復出參演《藍天白雲》，並入圍本屆金像獎最佳女配角，Baby形容似發夢一樣。「信心唔大，不過都當自己攞咗獎，每個演員都好好，咁耐無拍嘢，攞獎並唔重要，原來有人接受我、支持我。」

Baby坦言今次入圍後已經有人找她到馬來西亞拍劇集，可惜她要到澳洲做教會工作，未知檔期能否遷就。Baby更感激老公支持她繼續追夢。「老公叫我唔好做家務，叫我去做Facial、按摩，要有最好狀態出席金像獎，佢真係好有愛。」