古仔禁《星戰》私人珍藏出境

古天樂是圈中數一數二星戰迷，珍藏無數價值不菲，並曾借出外界作展覽用。不過古仔前晚出席《星球大戰︰最後絕地武士》首映禮，卻直認不願意把珍藏借到外地。

古仔前晚手持原力光劍出場，與幾位角色擺甫士合照，非常有型。古仔興奮表示近日睇過一段網上直播的BB-8片段，令他很想拆開BB-8看個究竟。「一個機械人可以整得咁靈活，肢體語言可以做到喜怒哀樂。」提到古仔曾在港舉行展覽，展出他的《星戰》Figure，可惜因搬運意外令一半珍藏損毀，問他是否不敢再搞展覽？他不諱言曾有內地及東南亞地區的主辦單位，邀請他將收藏品運到當地展覽。「不過上次喺香港短短路程已經爛咗一半，坐飛機可能會全部報銷。當中一個《復仇者聯盟》Hulkbuster更有兩層樓高，要七、八人才能搬運，搞一次展覽可謂勞心勞力。」

鍾情反派角色

他又自爆最喜歡新片中的反派角色Kylo Ren，問他會否考慮收藏其1:1模型？古仔笑言︰「我會諗辦法拎返屋企！其實好多朋友都鍾意《星戰》，有新產品推出一定會交換心得。」他更打趣說《星戰》系列隨時拍十幾集，貨倉一定要預留空間放收藏品。

採訪︰Pauline

編輯︰林梓添

美術︰梁政敏

攝影︰林良明