奪大馬女配 姚子羚含淚呼籲不棄養動物 視迷讚︰人靚心更靚

《TVB馬來西亞星光薈萃頒獎典禮2017》前晚落幕，全晚最令網民滾動的可算是姚子羚（Elaine）發表的愛狗宣言。她指去年被領養犬隻所傷，差點毀容，但仍呼籲大家「領養不棄養」，粉絲們Like爆Elaine人美心善是真‧女神，大讚她好心有好報！

前晚假大馬雲頂舉行的頒獎禮，邀得數十位無綫藝人盛裝赴會，加上獲安排在翡翠台現場直播，可算是明年初上演的台慶頒獎禮前哨戰。入行15年的Elaine，憑《胡說八道真情假期》及《姊妹淘馬來西亞篇第三季》有份贏得「最喜愛TVB綜藝節目」及「最喜愛TVB資訊節目」，連同「最喜愛TVB女配角」，三度上台領獎的Elaine可算是當晚的大贏家。

趁機為「毛孩」發聲

Elaine憑《同盟》獲女配角獎發表得獎感受時，趁機大談去年的人生低潮，她淚流滿面道︰「呢一年係好難忘嘅一年，之前姚子羚一場意外（去年被領養愛犬通仔咬傷，臉上留傷痕），受傷停工半年，因為咁我拍唔到一套劇集（《幕後玩家》），多謝Jazz（《同盟》監製）令我重新出發。呢半年我每日起身照鏡都有諗過，姚子羚會唔會咁樣毀容就一世，見到條疤痕對我係一個好好經歷，我仍然好愛隻狗（通仔），希望大家繼續領養（動物），唔好棄養。」

Elaine的得獎片段賺人熱淚，風頭蓋過出爐視帝苗僑偉及視后宣萱，不少人喜見她宣揚愛護動物精神，指Elaine有愛心又好戲要支持！

撰文︰Steven、Iris

編輯︰黃寶恩

美術︰梁政敏