老公喺屋企 王菀之唔敢唱情歌

王菀之（Ivana）昨日舉行音樂體驗會，將以往的歌用另一種形式去分享，不過她說甚少在老公Eric So面前唱歌，因為會有少少怕羞。

Ivana坦承一直對音樂質素有要求，加上本身是音樂創作人，由創作、錄製到後期，很多細節位都會力求完美。「大家平日聽歌可能未必留意到好多細節，透過今次分享會，可以畀大家更了解音樂，從而聽到音樂嘅另一種感覺。」

問到老公Eric So可會一齊交流音樂？Ivana笑言老公聽音樂比較簡約，最愛聽The Beatles。她甜笑地補充老公都會聽她的歌，不過Ivana自爆平時在家中反而很少唱給他聽︰「我怕羞呀！盡量等佢唔喺屋企先練歌，不過每次錄完新歌都會第一時間畀佢聽，佢有時聽完會唔出聲囉！」

夢想做導演拍戲

Ivana又透露最近有兩首新歌，其中一首歌的MV會由老公做導演，自己做女主角。她說︰「有日拎咗新歌嘅Demo畀佢聽，佢聽完後有晒畫面，立刻畫咗出嚟。」她坦言今次他們以導演和女主角的身份合作，感覺有點複雜，更笑言在拍攝過程中會完全聽他話，那老公又在甚麼時候聽她話？Ivana甜笑謂︰「叫佢飲水囉，佢平時好少飲水。」她坦言有個夢想就是做導演，拍一部自己喜歡的電影。

採訪︰Pauline

攝影︰林良明

編輯：林梓添

設計：K