坤哥大汗變「狐仙」 阿田放長假唞氣

無綫50集台慶劇《誇世代》今晚首播，劇中演員歐陽震華（Bobby）、陳豪、田蕊妮、吳業坤及李佳芯（Ali）等昨日到荃灣廣場宣傳，向來是收視福將的Bobby坦承只是一世夠運而已。

昨日當眾演員在台上取笑近日被指拜狐仙轉運的吳業坤，阿田和Bobby帶笑揶揄他︰「狐仙唔係拜係聞㗎！」

阿田和坤哥受訪時，阿田指坤哥很大汗，每次開工都見他成身濕晒，跟他演對手戲好難頂︰「拍《迷》係佢、拍《超時空男臣》又撞到佢，連埋今次已經第三套劇，你哋話我點會唔放長假吖？所以要趁放假出去吸一下新鮮空氣。」坤哥坦言讀書時已經很大汗，更經常被人話有臭狐，自知本身大汗，他更自爆每日至少沖涼兩、三次。

一直是收視保證的Bobby，對於《誇世代》未播出已被睇好，他說︰「依家將收視講出嚟真係好無癮，27、28點已經算高？就算30點講出嚟話慶功都好似好難聽。當年《陀槍師姐》50點收視，不過以前個個返屋企睇電視，依家可以用手機上網睇！我一世夠運，希望繼續好落去，將好運氣帶畀大家。」倘若收視高開，他又可會「找數」？Bobby笑言以前試過着泳褲，再來就無新意。

李佳芯傷口痛頂硬上

至於上星期做完手術的李佳芯，昨日在活動穿平底鞋現身，她說日前穿高踭鞋出席節目巡禮，整晚都覺得傷口很痛，所以暫時都不敢再穿高踭鞋。雖然手術後應該多休息，不過自己有份參與的劇集都想出一分力，只要站立時間不太長就無問題。

採訪︰Pauline

編輯：林梓添

設計：梁政敏