翠如澄清未有婚期

年尾又是派發成績表的日子，黃翠如憑《使徒行者2》更被吹捧成今年視后大熱人選，與此同時，曹永廉在社交平台指她已婚，如果屬實可算是雙喜臨門。

黃翠如、苗僑偉（三哥）、袁偉豪等演員前晚出席《使徒行者2》慶功宴，現場更宣布內地視頻國粵雙語播放量達19億，而無綫跨平台收視最高29.3點，超過190萬人收看。翠如表示該劇最感動的是有很多網民讚她演技有進步，甚至對她改觀，至於被三哥睇好問鼎視后，翠如直言不敢諗，只希望慢慢建立自信心。

對於曹永廉「爆響口」指她已與蕭正楠結婚，翠如也一頭霧水︰「唔知點解阿廉講埋啲無聊嘢，又攞番啲嘢出嚟講。」問到二人明年是否有婚期，翠如甜笑說︰「你哋幫我chur下啦！（恨嫁？）我會貼住阿廉把口，成日講唔關事嘅嘢。（會否公開宣布婚訊？）未有諗到呢啲呀。」

袁偉豪撑王浩信稱帝

另外，袁偉豪則獲三哥睇好做「視帝」，他反而睇好王浩信。「因為佢今年都有三套劇出街，近年都嘗試咗好多唔同嘅嘢，演出方向轉變都好大。如果今年自己有份提名，個氣氛都會幾好。」談到馬國明於大結局現身，似為開拍第三輯留下伏綫，袁偉豪稱還未睇大結局，又表示希望有機會再參演。

撰文︰Pauline

編輯：林梓添

設計：梁政敏