苟芸慧證李亞男克服抑鬱

李亞男早前公開承認婚後曾出現情緒波動，及後經過一班好姊妹開解，現時已好轉過來。身為閨蜜的苟芸慧（苟姑娘）最近在姊妹聚會中見過亞男，還與她一齊下廚。

苟芸慧昨日為意大利雪糕店擔任開幕嘉賓，同場還有應屆國際小姐澳門代表麥嘉欣及香港代表王詠珩。早前偕男友陸漢洋赴意大利參加賽車的苟姑娘稱，那時已嘗盡地道的意大利雪糕，碰巧在當地病了，卻又神奇地吃雪糕後不藥而癒。

談到好姊妹李亞男早前公開表示，婚後因祖藍在內地劇接劇工作，加上亞男的父母又在加拿大，令她抑鬱導致一度入院。此事令祖藍十分心痛，更決定不再接電視劇及電影，多留時間陪老婆。對此，苟姑娘稱︰「我都聽過呢件事，不過最近見到亞男，佢仲為大家下廚，證明已經無事喇，其實嗰段時間大家都擔心佢，依家好番，我哋都會抽更多時間見面，如果唔開心可以食杯雪糕呀！（有無教訓祖藍？）咁又無，佢都應該知㗎喇，以後會花多啲時間陪老婆。」

自製相集贈男友

提到陸漢洋剛於七號生日，苟姑娘當然有為男友慶祝，早前有傳男友在意大利期間向她求婚，苟姑娘未有回應，只表示送了一本自製的相集給男友︰「佢乜都有，所以送啲親手造嘅禮物會比較細心同有誠意。」

採訪︰Pauline

攝影︰林良明

編輯：林梓添

設計：梁政敏