紅館騷加開4場 千嬅陪粉絲跨年倒數

將於12月23至26日在紅館舉行個唱的楊千嬅，昨日開記招宣布加開29日至2018年1月1日共四場，打破個人開騷紀錄之餘，更與粉絲共度聖誕及跨年倒數，一次過滿足她兩個心願。

楊千嬅昨日在記者會上，穿上大露背性感現身，她表示第七次在紅館開騷，是希望囝囝Torres那一代，長大後仍知道有首歌叫《少女的祈禱》。

至於演唱會橫跨聖誕到新年，千嬅說這是一生最具紀念價值的事，會好好珍惜。問到會否加開到十場？她笑謂︰「我梗係想開得幾多得幾多啦，不過公司驚我辛苦。」適逢聖誕假期，Torres可以晚晚去紅館睇她演出，問到會否安排Torres上台？她表示︰「我唔會畀佢上台，希望佢嘅讀書生活簡單啲。」

以神秘嘉賓現身的草蜢，帶齊中秋三寶︰兔仔燈籠、月餅及碌柚送給千嬅，她笑問是否要生兔仔B。

唔急追生B

事後問她是否想追多個，千嬅笑言︰「希望喺更年期前搞掂啦，不過小朋友係天畀嘅，有就有、無就教好個仔，不過（如果）有兩個小朋友又好開心，順其自然啦。」千嬅透露Torres今年搭校巴返學，希望他可以適應群體生活，偶然出街她都會帶囝囝搭地鐵。

採訪︰Pauline

攝影︰林良明

編輯：林梓添

設計：梁政敏