頻頻拍動作片 古天樂打上癮

古天樂最近接連拍了幾齣動作片，在《殺破狼．貪狼》由動作導演洪金寶（三毛）指導下，古仔的打戲表現亮眼，現在一般拳腳功夫完全難不到他，他更為自己定下目標。

電影《殺破狼．貪狼》首映禮前晚在颱風吹襲後順利進行，古天樂、林家棟及動作導演洪金寶等全部出席。三毛在台上大讚古仔大部分動作鏡頭親身上陣，笑指他是2018武打新星，古仔之後受訪時表示︰「嚟緊幾部戲都要打。（打上癮？）要不斷去學，唔係一朝一夕。（會唔會打到驚？）唔驚，始終我無打開（功夫），所以最近頻頻拉筋，發覺成個人柔軟咗，下個目標係將隻腳放上頭頂。」

古仔打到唔停手，在旁的家棟則大唱反調︰「我接呢套戲嘅條件就係唔好叫我打，一係早啲通知，畀時間我準備，始終係洪金寶嘅打戲，都唔少嘢，要我又打又泰文又染髮，對我嚟講真係好大挑戰。」

薛凱琪新片升呢做警司

另外，同場的薛凱琪（Fiona）透露籌備了四年的國語大碟即將推出，今次邀得好友方大同監製，自己也有寫歌，稍後會到內地及台灣宣傳。不過，Fiona坦言放不下拍戲，所以相隔四年才入錄音室，她透露將參演的新片飾演高級警司，這次是她第三次做女警，若角色要求也願意剪短髮。

撰文︰Pauline

編輯︰林梓添

設計︰李明