趙頌茹自認烏龍媽媽

趙頌茹（阿Yu）回復單身後，這幾年獨力湊大兩個女兒，雖然已為人母，但阿Yu還是似個大細路，偶然還有不少烏龍事。最搞笑是連女兒的校服也讓她穿錯了，不過她人生中也做過精明的事，就是決定離開前夫周永恆。

趙頌茹（阿Yu）、林雅詩及黃建東等昨日在銅鑼灣為新片《百變神探》試造型，穿上露肩花裙的阿Yu透露，戲中飾演傻更更的神探，她笑言︰「你睇我個樣好似好精明，其實成日擺烏龍，例如去旅行帶了過期證件，又試過幫個女着錯校服，要買嘅嘢又完全唔記得買。我前半生都無精明過，但係我會加油！」

記者指她都做過一件精明的事，她聞言後完全明白記者所指，亦笑着點頭。又問到在片中是否要飛車飄移？阿Yu表示本身沒有駕駛執照，可能會坐在林雅詩隔籬，她笑言希望公司買重保險。

林雅詩可自由進出大馬

同樣飾演神探的林雅詩（Grace）透露在片中會有32個造型，當中會有Cosplay。問到可會性感？她說有些造型都頗性感，亦知道會有飛車場面，但就不清楚是否需要親身上陣。

談到Grace在六月時於馬來西亞遇上「被搶劫」一事，她透露事件已告一段落︰「依家完全無問題，可以自由出入（大馬），要工作的話都會再去當地。（要向當日不滿你嘅當地團體道歉嗎？）唔需要，事實嘅嘢大家知就得，只係唔講得，公司都已發聲明，成件事算係告一段落。」

採訪︰Pauline

攝影︰林良明

編輯：黃卉彤

設計：K