鮑姐祝福展鵬 找到真愛

無綫新劇《同盟》於今晚首播，一眾演員包括陳展鵬、鮑起靜、陳山聰及張秀文等，昨日到一間泰拳中心進行特訓。女主角胡定欣跟「胡說八道會」幾位好姊妹去澳洲拍攝節目，故她未有現身，展鵬稱︰「邊個得閒就邊個幫手宣傳囉。」

鮑起靜早前誤爆陳展鵬已向她認戀單文柔，但文柔卻在另一活動上否認拍拖，又直指有壓力，希望低調處理感情事。

首次拍無綫劇

近來時常跑山、打高爾夫球的展鵬，操弗不少，他昨日回應戀情︰「大家擔心我搵唔到女友，但每次出席活動都問呢啲，再係咁，我要睇多啲書先識答！」他坦言自己和觀眾都想唞唞氣，並承認揀女友是以結婚對象為目標。「我都已經一枝花年紀，識得處理私人問題。」之後，鮑姐向劇中飾演其兒子的展鵬送上祝福︰「希望你尋找到真愛，開開心心過一生。」展鵬即回應︰「在心中。」

活動上，眾人落場打拳，被取笑衣着密實的鮑姐自嘲︰「六嚿肥腩我就有，不過我唔使打，只喺旁邊睇比賽。」鮑姐首次拍無綫劇集，她表示會安坐家中與老公及孫兒一齊睇首播。

採訪︰Pauline

編輯︰陳禮恒

設計︰梁政敏