麥明詩被嘲老練

麥明詩（Louisa）、鄭伊健、林曉峰（阿Lo）前晚出席有份配音的動畫電影《Emoji大冒險》首映禮，Louisa繼早前穿透視裝後，當晚再以低胸裙力谷三吋事業綫搶鏡，她的父母及兄長也有到場支持。

Louisa、伊健及阿Lo前晚一齊受訪不時互窒對方，場面十分搞笑，伊健更主動幫手拎咪，笑言︰「一陣又話我哋唔Gentleman！」

似80年代港姐

而Louisa則笑言面對二人，似當年選港姐面對評審，險些應接不暇︰「又笑我老練，得佢哋寸我，無我寸佢哋㗎，喺前輩面前真係唔敢亂講嘢，但又真係學到好多嘢。」阿Lo嘲笑Louisa應該是80年代的港姐，Louisa帶笑反駁︰「出世呀？咁我都保養得幾好！」

談到前緋聞男友林作早前半裸扮「金鐘裸男」拍片放上網，被網友狠批影響牛津的名校聲譽，Louisa對此表示︰「我都有留意，咁牛津都出過好多喜劇演員、棟篤笑等等，如果適合佢嘅我都會支持。（覺得佢唔着衫好低俗？）演員都要放低自己，身體只係一個器皿。」身旁的伊健聞言立即化身公關為她打圓場。

撰文︰Pauline

編輯︰林梓添

設計︰梁政敏