傳拒簽十年長約 馮盈盈否認遭投閒置散

去年港姐冠軍馮盈盈快將卸任，最近傳她無意簽長約，遂被無綫放棄力捧，甚至把她投閒置散。盈盈否認傳聞，強調對娛樂圈工作感興趣，但不肯透露合約年期。

馮盈盈、陳雅思、張振朗及丁子朗等，昨日到鑽石山宣傳明珠台新劇《逃》（Prison Break）第五季。眾藝員即場上演一幕「手足情深，《逃》出生天」，馮盈盈短褲上陣，大騷白滑美腿。

活動後，盈盈被追問是否拒絕跟無綫簽十年長約，故只能獲安排「散job」，她否認喪失力捧機會︰「真係無咁嘅事，大家搞錯咗。（覺得十年約好長？）長唔長係好主觀嘅，我年紀唔算大，只知道公司應該處理緊（合約）。」盈盈直認有興趣在娛樂圈發展，還承諾不會三分鐘熱度。問她還要考慮甚麼？她認為最重要是機會，本身想作多元化發展，只要公司肯給予演出機會，就一定簽約。

陳雅思選港姐為入行

此外，陳雅思近日有份主持《歎得好健康》，幾乎晚晚以泳裝上陣，人氣急升。她表示合約仍在洽談中，問她是否考慮演出機會多少決定去留？她直認不諱︰「參加港姐都係想入行，不過我好好彩，公司畀我好多機會。」

採訪、攝影︰Pauline

編輯︰陳禮恒

設計︰梁政敏