宣傳新劇春風滿臉 馬明稱唔關心穎事

馬明昨日與蔡思貝、裕美及敖嘉年等出席新劇《心理追兇Mind Hunter》宣傳活動，眾人大玩遊戲與台下觀眾互動。近日與心穎BB的緋聞傳得鬧哄哄的馬明，被司儀取笑他經常春風滿臉，連楊明也追問他是否如劇中一樣對女友十分深情，一臉尷尬的馬明表示︰「戲裏面係，戲外就唔講！」

馬明受訪時亦大方提起心穎，但就否認跟對方拍《宮心計2︰深宮計》才春風滿臉。他又表示在《心》劇中因調查女友湯洛雯之死而沉淪幻覺當中。「我成日都會幻想湯洛雯出現同我傾偈，都幾詭異，但對演員嚟講係幾好發揮。」

蔡思貝率先劇透

至於，蔡思貝則率先透露誰是劇中兇手。「真正的兇手今日無出現，佢出咗埠。」而有份演出的王君馨今日未有現身，答案已經呼之欲出；至於君馨是否出埠秘密嫁人？蔡思貝即封口：「真係唔清楚，佢都好忙，淨係知佢男友求咗婚，但唔知幾時結婚。（羨慕佢？）呢刻唔羨幕，我鍾意工作，呢刻工作重要啲。」提到湯洛雯日前因工作壓力在街上暈倒，蔡思貝表示自己從報章上得知，問她平時如何減壓？她表示︰「我會大笑大喊，或者大聲唱歌發洩。」