返TVB拍劇 張衛健自嘲苦命

無綫昨天在會展舉行的「香港國際影視展」中，進行TVB 50周年獻禮，因為無綫50周年而重返娘家拍重頭劇《大帥哥》的張衛健（Dicky），昨天亦有現身，他竟然自嘲話命苦。

張衛健昨日以一身《大帥哥》造型亮相，該劇預計拍半年，問到Dicky可擔心夏天拍外景很辛苦？他笑謂︰「條命本來嚟講係苦嘅，不過佢哋樣樣都好錫我，等我可以拍得舒服、開心，係個天唔會畀面，要熱就熱。」

要洪永城帶去廁所

在試造型時蓄了鬚的他，昨日活動上卻不見他的鬍鬚，Dicky直認是為了在夏天開工不用太辛苦，他說︰「唔知點解大家印象係，大統帥無鬚不可，惟有自己設計到時會無。」

Dicky在劇中與不少新演員合作，他在台上自爆入到電視城連廁所位置都不知曉，要靠洪永城帶路，記者笑問是否一齊上廁所？Dicky笑說︰「咁多年無拍劇，好多嘢都要問其他演員㗎嘛，唔通問珍姐（曾勵珍）咩？」Dicky相隔多年返TVB拍劇，連舊愛宣萱都希望與他合作，問Dicky可會抗拒？他大方表示︰「唔抗拒！不過我喺TVB無say，公司安排我就照做，當然，我同個個都係再見亦是朋友，有時大家都會互相聯絡。」

樂小姐恭喜陳志雲脫罪

無綫電視前業務總經理陳志雲，與前經理人叢培崑被指收受利益，案件糾纏七年，終審法院昨裁定兩人上訴得直，曾為案件出庭的樂易玲聞言後表示︰「我未睇新聞，咁咪好囉，恭喜佢！咁佢依家咪可以做番CEO職位囉。」問到會否相約吃飯？她直言不會了，始終近年大家好少見，但作為朋友，當然希望他無事。

採訪︰Pauline

編輯︰林梓添

設計︰梁政敏