基仔婚後大解放 基仔婚後大解放

古巨基接受TVB娛樂台《StarTalk》主播許文軒專訪，大談推出致敬張國榮專輯的感受。訪問中，談到他與太太Lorraine結婚兩年多，婚後經常放閃，基仔坦言是做回以前沒做過的事。

基仔和Lorraine早前度過結婚周年，談到婚後生活，基仔說︰「依家會平衡工作和生活嘅時間，識得調節咗，好似食飯時我會要求大家放低手機，古太一拎出來，我就會『厲』住佢。另外會同我爸媽、外父外母多啲食飯。」他又自言是輔導員，經常提醒如緊張大師的古太不要很緊張，放鬆與慢活一點。

提到二人婚後經常放閃，問基仔是否想一次過做回以前沒有做過的事，他說︰「其實唔係咩放閃，以前一路都係工作，連拍拖都無時間，所以想記錄低自己同另一半嘅畫面同埋心情，好似日記咁。」對於生育計劃，基仔表示留待上天安排，他笑言︰「大家不如幫手集氣，可能得。無諗仔定女，其實有小朋友已經好感恩。」

出專輯向哥哥致敬

基仔當年擔任《娛樂新聞眼》主持時曾多次訪問過「哥哥」張國榮，作為「哥哥」粉絲的他表示太喜歡哥哥的歌曲，基仔說︰「今次翻唱，唱腔上特別注意，唔想太有張國榮嘅影子。而今次古太幫我揀咗《有心人》同《玻璃之情》，《有心人》都幾低音，以前錄音有幾高音唱到幾高音，但今次想忠於哥哥，唔會調節個Key。」

撰文︰Pauline

編輯︰黃寶恩

設計︰梁政敏