Torres開到聲要妹妹 千嬅生B睇廠期

楊千嬅昨日在沙田出席《智樂開心小熊醫院》慈善籌款活動，現場有很多小朋友參與，千嬅笑言︰「見到咁多小朋友咁得意，我真係有再生BB嘅衝動。同埋依家得一個才會緊張，可能生多一、二、三、四個就無咁緊張。」

楊千嬅表示擔心兒子丁進諾（Torres）遺傳哮喘，以前會較為緊張，但隨着兒子長大，身體變得強壯，現在可以輕鬆一點。不過，千嬅今年的工作已排得密麻麻，新戲《春嬌救志明》成為香港國際電影節開幕電影，即將忙於宣傳及其他工作，她估計最快要明年才可以實行造人計劃。千嬅打趣謂︰「講到好似『啤』件嘢咁易咩，要睇下廠期先，其實我同丁生都好鍾意小朋友，Torres都成日話悶，仲指定想要個妹妹。」

為兒子篩選適合題材

千嬅早前指囝囝Torres鍾意Elsa公主，而迪士尼新片《美女與野獸》被指有同性戀角色，近日引起爭議。千嬅稱有睇過預告片，覺得製作相當勁︰「當然做電影宣傳之前要講明，令入場觀眾知道咩事，好似我個仔咁細個，我會先篩選內容，嗰隻野獸都做得好真。」

她又認為電影創作空間很大，只要有家長指引就無問題，不會只是睇一套迪士尼動畫就會認識同性戀，她解釋︰「坊間有好多同性戀電影，我依家都係教佢（Torres）基本性教育，尊重男女嘅概念，我嘅角色只可以輔導同灌輸價值觀，將來條路係點，就要佢自己行。」

撰文︰Pauline

編輯︰陳禮恒

設計︰招潤洪