出任樓盤代言人 霆鋒避談與王菲築愛巢

謝霆鋒與王菲再次相戀，甜蜜之情更勝從前。霆鋒返港赴蘇永康婚宴後，昨午以樓盤代言人身份出席英皇維港峰發布會，但他對於一切戀情採取不回應態度，僅以笑容帶過。

謝霆鋒出席樓盤廣告代言人委任儀式，早前與女友王菲度假後返港。雖然對王菲的事全部隻字不提，但心情仍然不錯，即使聽到女友的名字時，亦面帶笑容示意封口。

霆鋒表示今次是首次拍樓盤廣告，他更透露心目中的理想家居模樣，笑言：「有景啦，廚房最好一應俱全，呢啲係最大要求，對我來講，廚房一定要比睡房更舒適。如果喺屋企十天，客廳都坐唔夠兩分鐘，每日喺屋企逗留最耐係睡房同廚房。」

愛廚房不愛客廳

身為代言人，老闆楊政龍會否送個單位？霆鋒笑說：「咁要問下先。其實都有諗過買呢個樓盤。（單位落邊個名？）我都未睇，要問下楊生先啦。」再追問他會否考慮跟王菲在港築起愛巢？此時霆鋒笑笑口謂：「唔答呢啲問題啦。」

此外，問他可知道婷婷甩拖一事，霆鋒想了一會，記者追問他到底有幾耐冇見婷婷，他說十日前在新加坡見過妹妹，但沒有提到感情事。可會安慰婷婷？霆鋒直言：「咁大個人自己搞啦。」

採訪：Pauline

編輯：陳禮恒

設計：梁政敏