黎瑞恩「鷹眼」變老花

吳卓羲、黎瑞恩、孫耀威及王秀琳（Mango）等昨日出席《愛在光明天》活動，幫助300名長者接受白內障手術而重拾光明。朋友間稱呼「鷹眼恩」的黎瑞恩一直都沒有近視，直到踏入40歲就開始老花，睇電話及平板電腦都要放到最大字體才睇到，她說只會在睇餐牌及重要文件才會戴眼鏡。

孫耀威自言小時候最鍾意打機，初中時已經有800度近視，他自嘲戴眼鏡好薯，讀大學便戴隱形眼鏡，不過入行後拍喊戲，許多時眼淚會令隱形眼鏡滑出，最後決定接受激光矯視。Mango表示最近已甚少接觸幕前工作，專心搞自家品牌護膚品生意，但今次做善事才答應。自言視力相當好的她，被問到揀男仔是否同樣眼光獨到？她表示感情生活希望低調一點，到結婚才對外公布。