祖兒拒當眾錫錫師兄

容祖兒昨日到電台宣傳下月底舉行的Side track演唱會，提到好友謝霆鋒被影到與女友王菲在機場情不自禁咀嘴，祖兒即嘲笑兩人太愛對方所以按捺不住，不過她跟男友劉浩龍（師兄）就不會當眾親熱，笑言那一刻會盡可能忍住，十分搞笑。

祖兒下月底的Side track騷門票已經售罄，昨日她笑言是來宣傳沒有門票出售的演唱會；對於有黃牛黨把門票炒高40倍，祖兒表示︰「不如去搶？太過分，希望啲黃牛可以用正常價放番啲飛。」祖兒透露演唱會暫時只會有一首歌需要跳舞，又表示會考慮唱別人的歌。問她會否唱師兄的歌？祖兒笑謂︰「諗下先，有呢個需要咩？唱得好聽過佢咁點算？」

對於霆鋒和王菲被網友拍得在機場禁區當眾錫錫，祖兒自言有看報道，她笑言︰「都幾Sweet呀，我估佢無諗到會畀人睇到。（你同師兄會當眾錫？）盡可能都會忍住，睇得出佢哋好按捺唔住，我就無咁愛，所以先影唔到呢啲。」

催細佬成家立室

祖兒胞弟早前被指戀上人妻空姐Samantha，她表示跟弟弟住在同一屋簷下，多少都會講到這件事，祖兒表示︰「佢咁大個人會處理，呢方面經驗比我老到，所以唔使擔心佢，希望佢快啲結婚騰空間房畀我。（媽咪會唔會叫你讓間房出來先？）無聽到有呢個訴求，細佬結婚同生B先啦，生咗就當係我，我就40歲前先生B。」

撰文︰倪小珊

編輯︰林梓添

設計︰梁政敏