大熱金燕玲恨再拎獎

去年憑《踏血尋梅》封金像獎最佳女配角的金燕玲，今年再憑《一念無明》挑戰冧莊，她興奮表示︰「我一向好重視提名，希望靠呢啲帶動自己有下一個工作機會。（有無信心冧莊？）隨緣，人哋話大熱仲驚，攞唔到我會好失望。」過去曾多次獲提名的她，原來每次等宣布得獎結果依然很緊張，她笑言︰「做咗咁多年戲，都好難控制自己嘅情緒。」

另外，同獲最佳女配角提名的廖子妤，得悉《骨妹》拍檔余香凝亦獲提名最佳新人時，二人相擁而泣，余香凝泣不成聲說︰「一知道喊到癲咗，好怕有期望會失望，大家努力都被看見，真係一件好感恩嘅事！」