蝦頭情挑張繼聰

張繼聰和演藝學院師姐「蝦頭」楊詩敏在賀歲片《小男人週記3之吾家有喜》飾演偷情男女，昨日在電影公司的官方Facebook發布「小三」啜核片段，阿聰和蝦頭在片中大講有味笑話。蝦頭表示︰「我哋喺戲入面互相挑逗，喺廚房幫佢搽油，好快手捽佢body，排戲過程已忍唔住笑，係特別開心同有火花，一拍即合。」阿聰則直言有壓力︰「我哋拍咗一啲正經、一啲較癲嘅鏡頭畀導演鄭丹瑞揀，大家都好專業，仲係一個鏡頭落（拍完）。」