薛凱琪祈求導演拍《早熟2》

爾冬陞當年執導《早熟》，撮合了兩位影壇新丁房祖名和薛凱琪（Fiona）相知相交，相隔多年，導演有意開拍續集，Fiona更是準備就緒，揚言導演唔拍續集唔畀退休。

薛凱琪、甘國亮、姜大衛夫婦前晚出席新片《三少爺的劍》首映禮，爾冬陞在70年代主演舊版三少爺一舉成名，如今已是資深導演，Fiona專程支持導演，她謂：「支持佢圓夢，因為重拍舊作喺佢嘅心願。」她笑言有看過導演的一些舊作，覺得他與現在一樣都咁靚仔。

問到會否再跟爾冬陞合作，Fiona即表示：「成日都叫佢快啲開拍《早熟2》，我同佢講唔好咁快退休，拍埋我先，我都有寫劇本，希望將來拍成電影，導演都應承過幫我。」如果拍《早熟2》會否問房祖名的檔期是否配合？Fiona卻稱最重要是先說服導演的期。

《三少爺的劍》籌備多年

爾冬陞很高興《三少爺的劍》終於上映，並找來徐克擔任監製，他自爆：「呢套戲拖咗好耐，2000年話要拍，最初有個角色想搵張國榮，仲有係搵竹野內豐做『三少爺』，後來等到2012年才買下該片版權，重新寫劇本。」至於開拍《早熟2》，小寶表示的確想拍，已有初步構思，講述兩位主角養大個仔遇到的家庭問題。

撰文：Pauline

編輯：陳禮恒

設計：K