《公公》爭獎keep住氣勢 祥仔：《城寨》威脅最大

劇集《公公出宮》早前在新加坡《星和無綫電視大獎2016》揚威多個獎項，黎耀祥榮膺視帝，曹永廉和林夏薇分奪「我最愛TVB男、女配角」獎。當中以阿廉首度贏得男配角最為鼓舞，前晚他更笑着叫祥仔把視帝讓給他，卻遭祥仔拒絕。

《公公出宮》台前幕後前晚拉大隊到林夏薇在灣仔開設的火鍋店舉行祝捷會，由得獎的曹永廉及薇薇做老闆請客，祥仔笑謂：「我有話一齊夾，不過男、女配角一齊攞獎係幾難得，佢哋嘅效果好配合，食咗呢餐先，如果我再攞（台慶視帝）就再請囉！」

可有信心四度問鼎視帝寶座？祥仔坦言信心只得一半，因為《公》劇始終在年頭已播出，剛巧在《星和》得獎才令大家記番起，都期望繼續獲得支持。是否覺得《城寨英雄》威脅最大？他謂：「都係，其實兩套劇都有共通點，佢哋係動作包裝，我哋就係喜劇包裝。」

阿廉廿幾年跌過多次

至於阿廉奪得入行以來首個男配角獎，他表示在台慶頒獎禮捧獎也要靠天時地利人和。「好多年前都諗緊攞獎係咪好重要，但依家冇以前咁執着。」他又趁機會剖白心聲：「呢廿幾年跌過好多次，出咗幾隻唱片，最後唱片公司唔要我，過程中經過好多唔開心嘅嘢，依家叫做對自己有交代。（下一步向男主角進發？）有排啦！

採訪：Pauline

攝影：林良明

編輯：陳禮恒

設計：梁政敏