大圍小清新 神奇粟米杯

街頭食粟米杯並不是新奇事，但當粟米可以配搭紫薯、黑松露、煙肉薯蓉、煙三文魚，甚至parma ham……又鹹又甜，有熱有凍，這間位於大圍的小店，出品果然夠特別！

將粟米杯玩得如此出神入化的，就是位於大圍村內的「粟米屋」，這間「屋仔」很搶鏡，離遠就見到招牌頂有枝大粟米，布置也小清新，白色調子配搭綠油油的植物，食物Counter更刻意用木板做到Food truck模樣。

年輕店主Maggie，本來是助護，賣粟米原來跟婆婆有關。「婆婆響紅磡開檔賣粟米杯17、18年，見佢年紀愈來愈大，想將佢多年來烹調粟米的心血延續落去，所以同媽媽開店，仲研究多啲款式。」

選用本地農場出品

孫女跟足婆婆Formula，用本地農場種植的美國種粟米，金黃飽滿多肉渣少，每日最少要用200條粟米。調味的牛油、蜜糖、芥末都跟婆婆用的一樣。熱食粟米杯，除有招牌的牛油蜜糖、蜜糖芥末口味，還有自創芝士、煙肉薯蓉、紫薯、黑松露等。

粟米屋

地址：大圍大圍村第八街4號地舖（積德里及積富街交界）

電話：2543 9999

平均消費：$25

編輯：余運慶

設計：Simon