《城寨》電影版有望 胡定欣盼能圓夢

劇集《城寨英雄》收視高企口碑亦佳，一班演員前晚一齊去尖沙咀打邊爐慶祝，女主角胡定欣更露口風有機會拍成電影版，男主角袁偉豪舉手贊成，希望監製繼《使徒行者》後再一次把劇集帶上大銀幕。

《城寨英雄》平均收視超過30點，前晚一班演員胡定欣、袁偉豪（Ben）及王君馨等一齊打邊爐慶祝。定欣表示劇集煞科後已經相約食飯，可是一直約不到，終於等到劇集播映第二周，各演員收到好多好口碑，就決定食飯賀一賀，順勢谷收視。

問到定欣是否她埋單？定欣大方表示無所謂，加上監製文偉鴻的《使徒行者》電影版收三億票房，大家都想為他慶祝，亦希望《城寨》可以拍成電影，定欣不諱言有聽聞這個想法，她說：「放晒口風，希望公司了結呢個心願啦！」定欣又預告她和陳展鵬在劇中的關係將會很傷感，觀眾要準備紙巾去看。

「牙佬」唔知要不醉無歸

此外，有報道指定欣與前男友Terry分手後，已立刻搬離二人的愛巢，返屯門與父母同居，她聞言後沒好氣謂：「我返父母屋企食飯咋，冇搬屋呀，之前都唔係同Terry一齊住，（報道）太好笑喇！」

當晚遲來的袁偉豪解釋，因為下午駕車沒有留意手機留言，看不到有人提醒他不醉無歸，因此要泊好車才能赴約。他又說好多朋友都集集追看，對於劇集有機會拍成電影，阿Ben表示贊成，希望眾演員一齊登上大銀幕。他在劇中「牙佬」一角的造型被讚，加上演技也受讚賞，問阿Ben可有信心年尾奪獎？他說：「今年幾個劇出街成績都算唔錯，司馬sir、牙佬，仲有《EU》亦正亦邪都有驚喜，不過冇獎都無所謂，順其自然啦。」

採訪：Pauline

編輯：林梓添

設計：李明