李佳芯主持奧運考膽量

無綫宣布《里約奧運2016》收視報捷，當中以黃金時段的《里約奧運走在第一線》收視最佳，最高錄得23.8點。陳百祥（阿叻）、李佳芯（Ali）、陳貝兒及一眾體育主持前晚舉行祝捷會慶祝。

李佳芯直言滿意收視，已適應做直播主持，而且愈來愈有信心。她說：「依家心跳冇咁快，之前講句嘢都狂心跳，估唔到咁驚！」在賽事中，令她最難忘的是「牛下車神」李慧詩日前發生意外，睇直播很擔心，好彩最後沒有大礙。

阿叻懶理批評

提到麥明詩在巴西採訪期間被人偷錢，Ali雖然未去過巴西，但之前出埠開工亦遇過失竊事件，她透露：「之前坐船去南極，畀人偷咗200蚊美金，個賊好醒，冇一次過偷晒，所以我唔會即時發覺唔見錢，那次太大意（房內）冇鎖篋。」

阿叻表示非常滿意收視，更以不眠不休來形容自己近況：「就算唔使做主持，我都唔肯瞓覺，但大家睇唔出我捱通宵，我冇老花、冇黑眼圈、頭髮又冇亂，雖然係假髮，其實做體育節目就最Enjoy。」對於有觀眾投訴TVB很少播香港運動員的賽事，阿叻死撑：「我哋花好多錢去播，TVB同奧運方面溝通得好好。」

撰文：Pauline

攝影：Lego

編輯：陳禮恒

設計：梁政敏